2011年日本旅行6月4日行程 – 行李箱滿滿的!


中野駅! 今日天氣如同前面的太陽廣場, 陽光普照! 實在頂呱呱!

今日的旅程目標非常簡單, 只是新宿>中野>池袋, 簡單而言就是購物團!

對很多日本通來說, 購買2手貨品,中野才是聖地。但之前遊日本, 基於秋葉原情意結, 除小部份在心齋橋購買外, 大部份都在秋葉原, 今次行程編排得到, 務必要朝聖一下!


太陽MAll的門口

真係如公司同事所言, 除非你是路痴,否則沒可能「蕩失路」,由JR駅一出就望到太陽MAll, 那條直巷真係好易認!


太陽MAll內籠其實只是一條購物街, 裝飾卻來得一致, 非常醒目! 可是今次目的地不是這兒, 是之後的中野Broadway


中野Broadway地庫係街市! 買雜貨為主, 有食肆,平平地醫肚都不錯, 還可以藉機體會一下「平民」的生活。


行了一會兒, 終於選定今日午飯地方! 讚岐うどん はなまる。


讚岐うどん很多地方都有, 不值得甚麼好奇怪。但總覺得日本的SET LUNCH好鬼過癮,廣東人主糧只有一樣:一係飯, 一係麵, 但日本人可以一個照燒雞飯會配一個海帶烏冬, 把麵條當副菜亦可! 味道一般和價錢成正比。

吃過早飯, 又跑回太陽廣場,今次直上三樓。


wowww! 真是二手動漫愛好者的天堂! 日本漫畫一SET一SET咁賣, 又齊又多又保存得好, 而且價錢又平唷!


傳說是中川翔子至愛之店


中野只此一家, 專賣動畫膠片原畫, 見到有某幾張龍珠標到成4萬日圓一張!哇! 當然還有其他廉宜一點的,可惜對我的作用不大, skip!

去得中野這個二手貨天堂, 我預了破財,但勢估唔到會破得咁「金」


這是我其中一間被補獵的地方。一間專賣二手動畫CD的鋪頭, 俾我找到一張未開封的超獸機神BGM集! 還有幾張魔法騎士的cd, 萬歲。


這間買得唔多, 只買三隻, 不過卻是氫氣彈級數。單是套COWBOY BEBOP CDBOX已經夠我買三張真綾大姊的演唱會票,雖然之前買過, 不過借了給人無回頭, 我又鍾意惟有買多只吧, 香港日本都賣斷了。

中野之旅告一段落,向池袋之旅出發!

<!–nextpage–>雖然池袋已經去了兩次, 但今次在池袋出閘都迷失了方向,畢竟有兩年幾無來了,幸好很快修正方向。


池袋天降異像? 非也, 只是剛好在池袋駅前影到罷了, 係醫肚時先放好行李係locker,因為各人實在買得太多了。


池袋的無敵家, 今次已經是第三次光顧。對上兩次是兩年前幾和牛大一起, 是唯一間食超過一次都不會嫌的店子。今次同行的友人未去過, 當然要去一試吧! 今次選五點幾去吃, 避了排隊的人龍, 等了十五分鐘便有得吃啦!


例牌招牌一影


無敵家之所以咁受各大旅遊書愛戴, 我自己覺得是它的湯底和日式厚切叉燒, 真是暫時食過咁多間最好最恰稱「無敵」, 豬骨湯底滲入了其他店不曾出現過的濃郁中豬骨髓鮮味, 而且感覺並不太油膩 ; 還有那塊既鮮甜又稔熟用五花腩整的叉燒, 實在非常美味! 加上不俗的溫泉蛋和拉麵, 各方面都取得一定平衡,價錢稍高但絕對超值! 經過池袋至少要試一次。


池袋乙女街, 即sunshine city, K-BOOK對出, 是晚應該有隊地下樂道演出, 各位觀眾都盛裝出值呢!

現在的K-BOOK似賣cosplay衫多過賣書(笑), 而鄰旁的animate, 更是給女仕們攻陷, 大部份是女生, 樓上比起兩年前就引入更多淑女向的作品, 戰國basara, 簿櫻鬼, 三國/戰國無雙的產品一大堆, 雖然都不是大家的守備範圍, 但一件叔叔和AKI老師就無咁好彩, 給SHOCKING及天元一個無情直擊, 在女人堆中等排隊俾錢爭奪心頭愛, 繼而爆種破財! yeah! 我這個可以全身以退的傢伙看在眼裡實在極度歡樂唷!


要買的東西, 是時候回酒店。八點半鐘的池袋駅, 因為節電已經熄了不少燈, 差點認不到路。現在因為各人的行裝都非常沉重, 還是先回酒店卸裝,再出外覓食。


回程終於見到新宿名物, 流動夜總會廣告車!


先旨聲明, 我唔係去5F平成女學園觀摩教學, 我只係到地下CO CO食咖喱咋!
COCO香港都有分店,但從未一試,今次正好有機會。


看菜單這兩個咖喱豬扒比較吸引, 就要這個啦!


實物圖, 多到瀉的咖喱汁, 多但幸好非常好味, 不過塊炸豬扒呢, 老老實實就老左少少, 唔夠肉汁, 要扣分!


AKI老師的咖喱腸仔, 又對版, 仲好鬼好味添! 唉呀, 中伏了。

同場加映, 各人的戰利品:




多謝老友(S), 「買左後悔, 好過買唔到之後後悔」的感召, 買了這盒後,是次旅日銷費之旅要即刻叫停!


大合照! 我的消費之旅也到此為止了。


但點講, 都唔夠某老師購買的同人誌勁..疊起來仲高過一罐咖啡!

是日旅程完畢, 明日迎接最終決戰!

中野broadway
http://www.nbw.jp/index.html

讃岐うどん(さぬきうどん) はなまる
http://www.hanamaruudon.com/

     

關於 小澤

呀...我咪係本網網主囉 :)