吐苦水

自從旅行完回來後, 一日忙過一日。

或者可能比較悶, 但實在不吐不快
1) 唔計老細,日夜兩更, 共四個人的團隊,係完全沒有徵兆下,現在只剩下兩個, 夜晚一定要人send report, 而工作日日頭一定要有人, 即係另一個放假, 其中一個要踩兩更, 但女的免役。咁即係我一個禮拜會最少有一日踩兩更, 好彩的可以朝九晚十。

2) 四至五條product tree不斷有新product出, 仲要今次係大campaign, 四樣野都有廣告出街,  而每條product tree本身己經有過佰樣的product在賣, 而各自都有自已的的game rule, 有對客的T&C, 有對內的order processing, marketing要成team十幾人跟一種product tree,  但點解去到我地到就要一條友跟哂四條product tree? 我真係好唔明…

3) 好了, 新product帶來新game rule, 之前的大變動又來多個大變動, 又要從新適應; 仲要全場brief; 咁邊個做呢? 咪又係我地兩個;

4) 新product推出,自然又要捽數, 於是產生了十多個report迎合不同人需要, 成佰幾人, 邊個計? 你briefing, 自然你熟啦! 咁, 又係我地兩個人計…

5)貨賣了,各人的incentive又要計有沒有出漏, 出面SALES個老細一句話「唔識」, 又無啦啦掟埋俾我地兩條友計; 哦! 你錢就識收, 計就唔曉計, 一條友有10隻order, 成場人即係會過千了。

又點解上個月某幾個重點product個數跌呀?  因為係我地幫手集數,  於是推都推唔甩, 又係我地作故仔解釋, 然後俾那班 team manager去諗辦法….諗鬼咩, 重點咪係你地唔幫手捽數又唔幫手教, 反而做埋好多好無謂的record要場中同事mark俾你地分析, 又mark乜又mark物,  搞到一隻order勁麻煩, 邊有人有心機做?

6) 恆例地,不斷有新人加入, training每個月都有一至兩班開; 一班一兩個星期唔少得,邊個train? 咪又係我, 隔離班的material邊個預備? 又係我! 但新人training唔夠一兩個月又走, train完得個桔, 灰爆, 出面無論新人舊人佢老細又唔教, 一句話唔識, 又指左去我到, 於是我成日都唔得閒;

7) 由於新人太green, 於是稍有難度, 又有點厭惡的工作, 生怕他們出錯, 於是又要舊人, 即是又係搵我地兩個去搞, 其中vip case最煩, 煩唔係個VIP本身, 係report俾refer佢那個VP, 要左查右查兼report最煩, 一隻case可以搞成日….

8) 因為舊人都係太young, 於是全場order的生養死葬, 大老細怕fallout, 於是由起, CHECK, 通知有關部門跟,到check complete, 到check點解唔complete, 都由我地兩丁友負責, 一隻order起碼要搞四轉, 每轉15分鐘。

9)當然你會問點解唔俾舊人做, 但當你舉頭一看, 場中只有兩類人: 一類係唔鐘意做follow up的topsales舊人, 一係green到唔green的新人, 永無中間的時候, 你還可以俾什麼人去做?

唉……點解乜都係我做? 已經日日朝十晚二了, 成日黏著部電腦看email, 得閒死唔得閒病, 分身都唔掂, 回到家中個人已經死咁九乘, 更新自然會有點慢, 這個只能對各位讀者說抱歉了

     

標籤:

關於 小澤

呀...我咪係本網網主囉 :)