再造Acrolink 4020 II電源線

話說前幾日身痕, 見二手市場有師兄放Acrolink 4020 II, 久聞6n銅的大名但未曾一試, 見價錢合適於是去馬。


原本新線, 係公司試試時, 連接female plug的電源線甩了出來! 就係咁, 於是決定要重搞!


male plug的內籠線亦都剪得過長, 一扯好易甩, 有點危險。


試機時female plug再上線, 不過都係內籠線弄得太長, 還有個夾位塊膠應該倒轉放, 可以夾實條線。

畢竟這條線用了一段頗長日子, 有些接口已經鬆脫, 而且上得論壇多, 見眾師兄們都係整得靚靚仔仔, 自己又造過不少電線, 到我手上當然要執一執! 男人都係看外表嘛, 呵呵呵。


套尼龍網, 不過用了一日就脫下來了。


female plug中的線剪短了, 包了熱縮膠, 減少外露部份。


male plug換了做hospital grade, 然後照辦煮碗, 當堂靚仔哂!


成品!

織線,灌沙灌炭粉的DIY都玩過的時候, 現在要改造這條少一條地線的正常電線, 確實就再無乜難道可言, 全程只花左個多小時就搞掂。

因為舊線, 所以應該煲夠, 於是插上AMP和blu-ray試音去。

和我之前的灌沙線相比, 初步聽感, 高音, 中音都有線條, 分析力夠, 量比起我沿用的古河314ag為低, 空間感尚可接受但未夠全面, 應該是低頻量並不足夠, 個人並不建議放在amp上使用。

改用係由鐵心心摩改的650BD blu-ray player就有比較好的表現, 以價論綫, 之前的灌沙線比較gentleman, 現在的弱音較出, 定位清楚, 人聲的延伸頗為不俗, 看blu-ray的畫面比之前少微粒, 不過低音的量仍是不足夠, 畫面會變得少少偏紅, 要係blu-ray player調教, 為了調教音色, 於是加條煲了過佰小時的exoc古河金FUSE, 就整體變回平衡。

之後經高人指點, 得知此線萬萬加不得網, 於是把它們拆下來再玩, 聲音暫時聽不出有好大分別, 應該係我未摸熟條線的關係? 現在始終叫新線, 現在還在摸索他的潛力, 希望還有其他改變。

     

關於 小澤

呀...我咪係本網網主囉 :)