最近少了更新,是我真的很倦。

今日朋友的聚會中,有朋友問工作是否辛苦。老實說,我現在工作性質一點都不辛苦,又不用担又不用抬,只要用電腦,帶人腦問問題,開工便可以了。遇上棘手事件還有另一部門和上司幫拖,準時返工準時放工,出糧又準時,人工又可以接受,如果可以一心幾用,還可以一路開工一路看電視和上網!唯獨開夜班無得約朋友仔出來玩!如果無事無幹,真係DREAM JOB!但,這是以前的事。

近幾個月因公司接了個大PROJECT,個SALES TARGET定到天咁高,連TOP SALES都只有數個到數,何況我等薯仔?當promotion和人工也十分看重這個數的時候,於是要跑sales數,只要一日未到數,就好似欠公司,借了大耳窿咁,又要跑私鐘,又要狂SALES來還債,都咪話唔辛苦,還有那些擾人的ISO和QA,這些精神壓力比勞力工作更甚!如果你和我一樣跟著一個「搏」的上司,嘩!真是連死都唔得閒!

不過倒轉頭,我自詡不是個蠢材,真是俾心出來絕對做得到,只是個人懶到出汁,成日想偷懶,係要俾人插到飛起,俾人迫到里牆才會郁一郁,似乎是天生犯賤,係要比人調教一下才安樂!都好,年少辛苦一點遲一點便有回報,死於逸樂的例子見太多,畢竟現在「吃飯」係要這樣子了。

我要求其實好簡單,就是和家人朋友出外吃飯之後,即是一餐稍一不慎叫貴了也好,也不用愁明日無錢開飯,僅此而己。看似簡單,但原來代價也蠻高的。

     

標籤:

關於 小澤

呀...我咪係本網網主囉 :)