影大踐行記 – 太子餐廳小聚

影大因工作雖要離開香港工作數天,或者數十天不等,於是在離港之前,當送行好,又或者乘機都好,再次影澤牛三為一體相約一起吃餐勁!因事出突然,所以人腳只有最易約的幾個人,其他朋友請見諒吧。

太子餐廳位於太子太子道西162號,往花墟必經之路,是旺角太子的老子號了。今次的餐廳是影大介紹的,當然有番咁上下吧!

由地下要上步行上一層樓梯才可到達,餐廳內環境我個人非常滿意,入口左旁有偌大的玻璃讓顧客觀賞太子道街境,右邊則有開了靜音的PLASTMA和像巴檯的厨房,配上暗暗的燈光其實幾有情調,只嫌座位之間太近有點迫,如果疏一點會坐得更舒服。

該晚不用雖然八時幾入座,但竟然完全不用等位,而餐廳只有五至六檯客人,客數以旺角餐廳來說算是小了,但食物質素如何呢?我個人評價是未算最好,但價錢算是公道,菜式介乎酒店和港式茶餐廳左右,茶式質素或者詳細講一下吧。

餐牌上有幾多茶式可供選擇,焗田螺,青口,安格斯扒,鵝肝和牛等應有盡有,活像扒王之王一樣,價錢也是差不多(笑)。因為是餓了很久的美食之行,於是也點了個有鵝肝,有酥皮湯,又有安格斯扒,又有巴芺里甜品,更有紅酒品嚐的中價餐來填肚,因為星期四,有薯蓉焗青口
特價,大概三十有找,於是三人夾份叫了一份來試,有加一收費,大概每人二佰元左右理單吧 ,個人覺得這個價錢有這個質素算是物有所值。


頭盤是酥皮湯配餐飽,我選了忌廉湯,兩位兄貴選了洋蔥湯,味道我覺得不錯,不太「杰」,味道剛好,配上剛送上來的薯蓉焗青口,芝士味不太濃,而且焗得剛好,不太老又不羶,我實在喜歡,飲一小口紅酒再用來送湯,味道一流!


至於煎鵝肝絕對是全個套餐的靈魂所在,味道不太濃,沒有煎燶之餘便成功把肥味的肉和脂肪汁鎖死在鵝肝之中,極品!加一小片蜜桃,還有小小好像是燒汁的醬料,還有那塊薄餅,再加紅酒,yumi!鵝肝的脂肪混和香醇的酒味,極品唷!

反而塊牛扒我就覺得有點失準,我叫五成熟,煎得還算不錯,但稍嫌唔夠牛肉味,可能之前吃了鵝肝,之前味道太濃未散之故吧,而且肉質不算太好(細細聲,你這個價錢那有好牛肉吃的?妄想),幸好有酒送肉,入口尚算可口啦,加埋個焗薯,夠飽了。

而甜品是疏乎厘或自家制甜筒,我貪新鮮,叫了疏乎厘,因為看鄰枱的甜筒又的確唔錯,不過疏乎厘都弄得唔錯,只是乾身了點,但那些蛋白總算打得幾混和不太甜,都合我口味。

另外不得不提,我其實幾滿意店內的服務,侍應做事爽快,至少湯來時和甜品來時都會問過客人先,唔會趕人走,都算係咁了。

影大回了港才有空寫完本文,只怪我手腳慢,有一些東西我真的不太記得清楚,或者影大,找個時間再和牛大人去溫習一下好喎?嘿嘿嘿。

又睇睇Openrice的朋友點睇?(嘻嘻嘻~我係copied cat)
http://www.openrice.com/restaurant/sr2.htm?shopid=7333

     

標籤:

關於 小澤

呀...我咪係本網網主囉 :)