Final Fantasy 13 破台

即是我很快可以出關啦! 歷時60多個小時的主線終於完成,可喜可賀!

絕對好玩,超爽!不計最終波士戰,今集應該是咁多代的FF中戰鬥速度最快的,平均一場不過2分鐘,最快試過一場2秒內完成!

比起FF12的無腦打法,FF13對玩者的反應要求完全是兩回事,人物只能控制隊長,戰鬥指令切換要求快,真係和打action GAME無乜分別,即使有提昇level, 每場戰鬥難度平均而言都比上一代更難玩,超容易GAME OVER,今次GAME OVER試過不下佰次,我未試過打FF到後期都可以俾一般怪秒的...

FF13固然比FF12的畫面更加精緻,音效更加強勁。場景精細得無話可說,光影部份都做得極好,沙灘黃昏那一幕,水清砂幼....現場gen都有CG咁靚,看得人好開心。召喚奧丁時,能夠聽清楚馬蹄鐵聲,由右至中,再來是快速戰鬥中聽到角色快速轉位,的五點一強勁音效加乘,那種感動非筆墨所能形容。

對比以前的FF系列,到目前為止, 我仍然覺得故事以FF6,之後FF4,FF10和FF7最好,FF13其實嘛,一般啦,說服力感覺上一定好過12和8的。

但FF13的迷宮其實比較單調,全部都係一條有指示的直線上進行,仲唔可以回頭添,感覺好趕似的(笑),我仲想回最初場景看風景嘛...幸好之後風景不錯,都唔會令人太悶,如果行迷宮,我其實幾鐘意FF12那種行街街的感覺。

FF13的自由度so far都不算太高,似一部有用腦的電影居多,每個角色的功能也定得比較清楚,不似上幾代個個都可以變超人啦。

感想就這樣打住,因為其實仲有大量冥碑的任務未打...640幾元,其實絕對抵俾!

     

關於 小澤

呀...我咪係本網網主囉 :)