香港亡矣!

立法會補選,究竟最後係補選定係公投,去到現在我其實真係唔多care,無論邊個勝出都係鬧劇。

以下粗鄙詞語勁多, 請見諒。

但看完新聞後就好想王國興即係收檔!點解香港仲可以收留咁「茂利」的議員架?仲好講係一黨之副主席?!

公投只有一個主權獨立國家可搞,所以我就當佢補選。你班大帝就一口咬定佢係公投,哇!乜原來我那一票咁勁架?公投喎!香港咁耐都未試過,有得玩梗係試下啦!唔係都講到好似係咁,給人造勢,這不是「膠」還是什麼?

又成日乜社民聯搞鬼,浪費公帑,公投違憲咁咁咁,違憲你咪告佢囉,告到佢收聲,嘈乜鬼?!但可惜係:

一,黨和個人只會違法,世界上只有政府違憲,你講緊邊個違憲?
二,現實係公投本身都唔係由香港政府推動,係有班議員利用補選,把議題單一化變成好似公投咁,講到係似咋!本質還是補選,告都係好似引用商品條例法,告失實聲明..

啦,咁又膠多次囉!痛腳又捉唔到,做唔到野就只有狂出口術,扮做野攞人工,似足鍾意壓人人工廿蚊張咁,出口術屈人地違憲!兄弟,違憲可大可少的,正常人都怕怕,大陸同胞講我地違憲我理解,佢以為香港政府搞咁更係唔得啦!而且都係講俾大陸普羅伯姓聽叫佢地唔好亂來,對像唔係香港人;香港教育雞,但只要有中三程度,有認真讀過西洋史都知你阿王生亂吹啦..收聲無人話你啞,現在張大眼講空話,仲要講無人信的大話,難度這是你黨的特色 - 無恥?

好啦,變番補選啦,補選要錢咪撥囉,基本法規定議員重缺就要補人架啦,無錢點選?政府無錢咩?單係印花稅都夠俾突啦!係要小氣到猛搞小動作,人地補選要拆宣傳板又話浪費公帑,要唔拆;喇,咁下次補選就大家一齊唔好拆牌啦!有口話人無口話自己正衰仔呀!阻止已辭職員重選,喂,要傾都等齊人先傾啦,你又知佢五個選硬的?查甘乃威偷食不隧,高鐵撥款又咁爽手喎,乜大黨做野咁大細超同小氣架?!

係夠guts的,就好似鄭大班當年阻領匯上市咁,找位阿婆告政府又好,告社民聯加公民黨又好,依足程序等法庭判阻止撥款囉,還是一早知道自己告唔入?

明明我勁憎長毛,但一想起呀王生伙人的咀臉,唔想投的,都變得超想投票俾阿毛哥,如果多條咁的「茂利」的議員入局,香港亡矣。

     

標籤: ,

關於 小澤

呀...我咪係本網網主囉 :)