[新玩具] C/P值極高的DIY化震釘腳


這三隻小傢伙可以用來作什麼呢?

答案:CD player的化震釘腳。

價格非常平宜,原身是腿部按摩珠,一套14粒,價錢$40元,在吉之島十蚊店可以找到。

會用這個當釘腳,原全是因為受review33那班師兄影響,心諗又唔貴,買來玩下無妨。

現在是初步階段,試下效果,當然無那班師兄咁激,又日本鋼珠,陶瓷珠,只是好原汁原味拆出來試一下。 

而我作了少改動,就是按摩珠用BLUE-TIPS貼實CD PLAYER底部,然後四隻腳底部再加一隻價值$3.5陶瓷豉油碟一隻墊住,而不是用套釘腳承起部CDP,成套設備,$100元唔洗。之後扭細聲,等部機run-in成個幾鐘,待BLUE-TIPS均衡咁貼實釘腳後**這是重點**便可正式試機。

至於效果,可以講係一次C/P值極高的嘗試,試了無壞。以前估唔到釘腳對CD player的影響係可以好大,現在出來的聲音比較有線條,亦多了細節,打Cymbal的聲音比以前明顯,拉弦聲亦清楚了,同時間空氣感亦比以前充沛;而現在聆聽環境唔大,Feel到音場有增加但這個結果不能作準。

而現在效果明顯,於是把剩餘物資推而廣之,DAC有用,連喇叭都在用,效果滿意!

     

標籤: , , ,

關於 小澤

呀...我咪係本網網主囉 :)