2011年日本旅行6月5日行程 – 最終決戰!

最終決戰, 是次旅程的最終日。 而今次旅團的目的, 本來就是參觀涉谷的 グレンラガン展! 沒有這個誘因, 恐怕都不能成團。

涉谷的忠太八忠公像, 第一次無去到, 今次終於給我影到了!

係未正式今日行程前, 先找LOCKER放好行李, 原來有日本人設立了locker討論區, 可以供人知道當日的LOCKER使用程況, 如果再進步一點, 自動把已租賃的locker放上網, 真的可以造福大量遊客喔!

是日涉谷! 也是陽光普照唷! 而涉谷是第一次踏足的地方, 幸好有aki老師這個地膽, 否則我一定又會迷失了!

是日早餐! 目標鎖定! 一蘭拉麵

公司同事極力推薦的一間拉麵, 一蘭最出名的除了她無敵的溫泉蛋, 還有她的「自閉」設計。就像香港的自修室一樣, 間隔兩邊互不相通, 每個座位都是一間一間的, 即使叫喚伙計, 都是寫紙仔按鐘仔, 除左食麵之外, 你可以全程扮cool, 一粒聲都不出。

有幾自閉? 你可以自已睇, 但麵真係好好吃。

<!–nextpage–>
登登登! 有麵食了! 但蛋要另叫。 第一次來當然全都叫DEFAULT, 係店外售賣機買好所需食物, 即使加單, 亦只要預備好輔幣, 填好紙仔按下鐘仔, 相中的竹簾就會打開, 侍應生就會去招呼閣下。

有少少五味粉辣味的湯底,和看似油膩的感覺截然不同, 其實都幾醒胃, 叉燒的質感和味道層次和無敵家還有段距離, 但亦屬中上佳品, 而溫泉蛋就真係無敵!

隻鹽焗溫泉蛋, 味道和熟道恰到好處,好味到我要即刻加單食多隻, 因為其他地方食唔返。

指定動作!

同場加影, 已經列為名勝的地方, 唔洗慳住慳住的貼心設計, 即使進行行為藝術,都可以去得安心。

<!–nextpage–>

食飽飽就周圍行一下。

終於去到今日最終決戰之地! 兩層的galaxxxy in Hi-Fi Boxxx的グレンラガン展

<!–nextpage–>
不逐幅介紹, 慢慢欣賞吧!

留心看看, 就知這件衫的笑點在那。

<!–nextpage–>
原話展, 註:我是隱性洋子派。

二樓是劇本展,放滿了各話的劇本。

<!–nextpage–>
近照!

各話的storyboard都一一羅列於此,但集數並不齊,據聞每個星期都會更換,要看足的話差不多每個星期都要來唷, 但足夠讓心樂翻了。

STORYBOARD我沒有影太多, 我只放了部份的。

既然咁重要的展覽, 點解要排到最後一日才去呢? 原因就是因為星期日會有新印章, 為了這個特地把行程修改的!

如果是一個グレンラガン的忠實FANS, 雖然會場的精品只有T-SHIRT和襟章, 展出的會址只有兩層, 但絕對值得去, 沒有入場費, 所有展品任影, 在場有過佰幅賽璐璐膠片原畫, 還有大量的場本, 足夠各位花上兩三小時唷! 因為太受歡迎, 現在展期還延長至31-JULY!

記念品嘛, 我就無買, 但我和收銀那位仁兄都看得目定口呆,因為那不是shopping,是搜掠! 如一件老師預言, 當AKI老師爆發的時候, 我真係拍馬都追唔上…只有係後面食塵, 幫手拿行李。

時間不早了, 真係要閃~

經過渋谷パルコ, 當日有ノイタミナ「あの花」SHOP in 渋谷パルコ～EVENT, 配めんま的茅野愛衣都會出席, 可惜上到五樓時已經見到一條由五樓樓梯排到唔知係邊的人龍, 因為要趕電車,當然要放棄了,可惜。

今次搭特快! 但自己太有自信, 係3:20買3:30的特快, 結果當然係趕頭趕命, 拉著大包小包自然追唔到車, 幸好只要和車上車掌解釋清楚就可以如常上車。

因為時間預得比較充裕,所以還有時間在機場逛下書店和手信鋪, 因為公司同事眾多, 又是破費的時間了。而機場比我上兩次去都冷清, 那也無法, 核幅射的影響還沒有完結呢。

後記

比較起上兩次旅行, 撇除子彈火車一段,今次花在交通的時間較多,看景的時間不多,連唯一一日去鎌倉也要下著大雨, 當然是有點殺風景了。

宅度較重, 三遊秋葉原, 去主題cafe,購物的額數亦直線上昇, 省了的酒店和機票全都變成CD了(笑)。

雖然偶有喜愛個人旅行, 但經過和老友們互相配合下, 而擁有的共同體驗, 即使十多年後再次談起, 也是回味無窮這比什麼都寶貴。

如果下次找到司機,搞沖繩或北海道駕車團又如何呢?

隨意的行程, 個人遊覽得非常舒服, 上次行到腳板痛,但今次沒有了。

最後最後, 能夠看到坂本真綾的演唱會, 此行已經能夠叫超額完成。

好了, 是次的旅日日誌也要告一段落!

あの日見た花の名前を僕達はまだ知らない
http://www.anohana.jp/index.html

■2011.5.9 渋谷で魂燃え上がる！！「グレンラガン展」開催決定！ (廷長至31-JULY-2011唷!)
http://www.gurren-lagann-movie.net/news/index.html#i194

galaxxxy
http://www.joe-inter.co.jp/galaxxxy/pc/

Tweet