吐苦水

自从旅行完回来后, 一日忙过一日。

或者可能比较闷, 但实在不吐不快
1) 唔计老细,日夜两更, 共四个人的团队,系完全没有征兆下,现在只剩下两个, 夜晚一定要人send report, 而工作日日头一定要有人, 即系另一个放假, 其中一个要踩两更, 但女的免役。咁即系我一个礼拜会最少有一日踩两更, 好彩的可以朝九晚十。

2) 四至五条product tree不断有新product出, 仲要今次系大campaign, 四样野都有广告出街,  而每条product tree本身己经有过佰样的product在卖, 而各自都有自已的的game rule, 有对客的T&C, 有对内的order processing, marketing要成team十几人跟一种product tree,  但点解去到我地到就要一条友跟哂四条product tree? 我真系好唔明…

3) 好了, 新product带来新game rule, 之前的大变动又来多个大变动, 又要从新适应; 仲要全场brief; 咁边个做呢? 咪又系我地两个;

4) 新product推出,自然又要捽数, 于是产生了十多个report迎合不同人需要, 成佰几人, 边个计? 你briefing, 自然你熟啦! 咁, 又系我地两个人计…

5)货卖了,各人的incentive又要计有没有出漏, 出面SALES个老细一句话「唔识」, 又无啦啦掟埋俾我地两条友计; 哦! 你钱就识收, 计就唔晓计, 一条友有10只order, 成场人即系会过千了。

又点解上个月某几个重点product个数跌呀?  因为系我地帮手集数,  于是推都推唔甩, 又系我地作故仔解释, 然后俾那班 team manager去谂办法….谂鬼咩, 重点咪系你地唔帮手捽数又唔帮手教, 反而做埋好多好无谓的record要场中同事mark俾你地分析, 又mark乜又mark物,  搞到一只order劲麻烦, 边有人有心机做?

6) 恒例地,不断有新人加入, training每个月都有一至两班开; 一班一两个星期唔少得,边个train? 咪又系我, 隔离班的material边个预备? 又系我! 但新人training唔够一两个月又走, train完得个桔, 灰爆, 出面无论新人旧人佢老细又唔教, 一句话唔识, 又指左去我到, 于是我成日都唔得闲;

7) 由于新人太green, 于是稍有难度, 又有点厌恶的工作, 生怕他们出错, 于是又要旧人, 即是又系揾我地两个去搞, 其中vip case最烦, 烦唔系个VIP本身, 系report俾refer佢那个VP, 要左查右查兼report最烦, 一只case可以搞成日….

8) 因为旧人都系太young, 于是全场order的生养死葬, 大老细怕fallout, 于是由起, CHECK, 通知有关部门跟,到check complete, 到check点解唔complete, 都由我地两丁友负责, 一只order起码要搞四转, 每转15分钟。

9)当然你会问点解唔俾旧人做, 但当你举头一看, 场中只有两类人: 一类系唔钟意做follow up的topsales旧人, 一系green到唔green的新人, 永无中间的时候, 你还可以俾什么人去做?

唉……点解乜都系我做? 已经日日朝十晚二了, 成日黏着部电脑看email, 得闲死唔得闲病, 分身都唔掂, 回到家中个人已经死咁九乘, 更新自然会有点慢, 这个只能对各位读者说抱歉了