飲飲食食之二-旺角糖水激鬥編

原本是想繼續寫堔水埗其餘兩間店子,不過看來這兒的讀者群多數以旺角為家,甚至以「HAPPY FRIDAY」, 「FEVER SAT」為樂(笑),為免得失客仔,今次就先寫旺角吧!不如今次集中寫甜品店吧?像許流山這類店子,我想不止我,有很多朋友都會去,這個我不多談了。(最好吃和我覺得唯一可以說說只有西米撈,其他都唔多掂)

如果是想吃清淡一點,可以到旺角先達旁(店名我忘了)的吃馬蹄露,十蚊一碗,或者桑寄生蛋茶都不錯。

紅豆沙,綠豆沙,杏仁露,芝麻糊又或者是合桃糊等中式甜品,我還是選大良八記,但一定要係黑布房街那一間,其他的絕對唔掂,那間店子煲出來的口感會幼細凝聚一點,最好的是芝麻糊,傑得得來有有種幼細感覺,最重要是沒有炒燶芝麻那一種味,12~14蚊一碗,如果加埋花生湯圓感覺一流!當然如果講最好的,九龍區我還是首推長沙灣松記(有椰子樹做標記那間)!這個有機會一定要試!(不如下次介紹吧?!)

至於西式一點,如果當時在聯合廣場附近,可以試試澳洲牛奶公司的咖啡或朱古力燉奶,口感似布丁多個似燉奶,口感滑而不膩,另外是介央多,唔係咁多地方有得食;如果近中國旅行社那邊,石磨坊的刨冰,還有黑糯米 芒果芝麻卷都不錯的說, 不過紅豆刨冰好像讚一點啦~如果是近廣華醫院附近,可以試一下御品居甜品的芒果腸粉,香甜的芒果一大條一大條的夾在幼滑的腸粉中,腸粉皮用類似芝麻卷那些材料做,不過今次用上的是芒果汁,粉皮夠滑,味道不太甜沒有奪去原本芒果的味道,正!一這個價錢有點貴,好像要30元左右,可以一試。

至於好多朋友喜歡去的甜爹o地,其實都不錯,但以這個價錢(30以上)我覺得還是未到水準,以那個熱朱古力布甸箇之然是鎮店之寶,香味十足但口感略嫌粗了一點,再滑一點會更好~不過話時話,要讚一下的是佢整得好有技巧,把拌碟的生果切得一細塊的,食的時候把生果蘸上小小朱古力,便把那些熱朱古力的「濟」的感覺除掉,想得真周到!

我總覺得令人會「濟」甜品,是不及格的:「清而不寡,粗中帶幼,滑而不膩,豐富得來又統一」,才是甜品一個較高境界!

今次講住咁多先,下次再講!(死,又引起我條癮去食添])

P.S.原來這兒的blog都有長期客仔的!雖然隱姓買名,但..有好多野出賣了你啦!哈哈哈~(真過癮~)

     

小澤

呀...我咪係本網網主囉 :)

You may also like...

發佈留言

發佈留言必須填寫的電子郵件地址不會公開。

這個網站採用 Akismet 服務減少垃圾留言。進一步了解 Akismet 如何處理網站訪客的留言資料