球王馬勒當拿
以前的足球講求個人技術，現在較講求團隊合作和戰術部署，雖然各有優勝，但總覺得以前好看多了。
現在的所謂球王，身價動輒千萬，踢波時當然「錫身」，那有以前的一個假身，然後直帶十多碼，左避一個，右閃一下，再挑高個波，足足扭足六個然後射入空門這種高難度動作？如果各位看了以下球王馬勒當拿片段，不知各位有何感想？看完後，我就對現時為止的世界盃球賽相當失望了。
以下不是什麼特技鏡頭，只是踢波而己。
其中在86年墨西哥世界盃一場中便出了兩個驚世駭俗的入球！
86年墨西哥 阿根廷對英格蘭，一個扭六個！惡夢！
也是86年墨西哥 阿根廷對英格蘭，不過今次就是「上帝之手」，又一個惡夢。
馬勒當拿這個人雖然是非纏身，但作為球員，他的技術是無可置疑！他那雙腿像有磁力一樣會吸個球過去，但有時又像同性相拒一樣飛射入網，實在神乎奇技！
Tweet
正如其他事物，足球會進步，正因為人明白足球是十一個人的運動，團隊合作和戰術變得比個人技術重要。先撇除可觀性，如果馬勒當拿時代的阿根廷與今日的阿根廷比賽，勝的一方會是今日的阿根廷。
話說回來，片中的馬勒當拿真是好恐怖=.=不過我看過朗拿度巔峰時期的片段，更恐怖……這是我第一次看「上帝之手」的片段^^
其實,今時今日的細哨,發揮出十成功力的話,可能在馬生之上,馬生固然好波,但唔係我杯茶…
我雖然都唔鍾意馬生, 但作為球員,看着他逢人過人…除了「勁」外真係唔知可以講乜~
世界好公平,個個都會老, 老馬, 大細哨當打時大家功力可能差唔多…
但好在時空不同, 咁樣大家都有機會做到一哥…無得爭~呵呵呵~
馬生果球真係好似足球小將咁。（其實似足球風雲多Ｄ）
其實舊片仲有一個「效果「令到呢球更勁
就係「搖鏡"！你唔覺個鏡頭Fing Fing下，佢好似跑得快Ｄ同有鬼影咩？
「我個人覺得要打過至知」咁又係，打機經典隊通常勁d(笑)
我貼左比利同朗拿度o既片段，有興趣去睇睇丫：http://gulong921.ikku.net/bo-blog/index.php?job=art&articleid=a_20060621_064357