你今日的名字叫….エロちゃん？！

取這個名的原因，大概十六個字可以概括：「看得出色，玩得招積，砌得舒適，俾得超值」所以因此起名。

各位看倌看了上述解釋大概會一頭霧水，或者由我娓娓道來吧！

ちゃん在日文中大概解「小」的意思，例如「小」明，「小」花之類，通常是由細玩到大，或者對方比自己小，來表達關係親密的意思。

至於「エロ」嘛，熟悉日本文化，由細看到大的各位，一定熟過我，唔明的問你熟悉日本文化的男／女朋友，看看他／她有什麼反應！一定歡樂無窮，趣味盎然！而這兒只取廣東話音譯即「艾羅」！

エロちゃん當然不會是我小澤的暱稱，如果你喜歡用這個名字請隨便拿去，放心，無版權的，而エロちゃん其實是指我新買的電腦，哎呀！誰個擲爛蕃茄？或者看下文先，再擲也未遲！

我舊電腦spinel，小塞羅之友還運作正常，無穿無爛，但人是會大的，電腦也不例外，開十個browers，加photoshop，再加Itune都唔多夠力，經常要開機關機，現在開機關機都要成２分鐘，我猴急，忍不到要換「畫」了（笑）。

而且好友們都七之八九換了新，人有我無怎麼行？個個都雙核心，最勁真真，連取向都轉埋，windows唔用，改了用mac！現在電腦硬件又跌價，INTERL CORE DUEL 都係900樓下，AMD當然仲平，$600~700都玩到雙核心，一條1GB RAM都係$360有找，掂！又新又平又勁，係電腦男那有不動心之理？係影大和不良牛這兩個達人仲未換（笑），真係估佢唔到咁專一，抵讚！

又有所謂「近朱者赤，近墨者黑」之理，現在工作關係，日日要SALES電腦，為了工作經常在刨電腦雜誌，在耳濡目染下，心思思，要下海係遲早的事！不過要下海都要講時機，在看畢某雜誌的讀者來信下，砌部COFIG不錯的機都原來只要5000搞掂？！個價又合自己心水，又剛好約影大吃飯，有這個電腦硬件達人幫忙，在天時，地利，人和三者俱備下，於是一時衝動便去砌機！

一時衝動，是因為由專欄到看價錢，再到扑搥決定買機，前後不過兩小時之內發生，還真是快槍手！前後沒有怎樣夾價，因為價錢一早有了，而且合乎預期，整部砌其實價錢間間都係差不多，因為價錢和股票差不多，一樣公開的！最多都係平了個CPU，但在HARDDISK賺回價錢，如果你自己的腳骨力和時間不值錢，大可以行混整個商場逐PARTS買，相信都可以平到40~50到，但買東西講到「氣」！哼哼，行到腳仔軟，乜意慾都無就並不HAPPY了。

而且要留意，你是要真的懂得「砌」才好，自己唔係專家，砌機變「燒機」，搞到一頭煙；叫朋友幫忙，請飲茶灌水少不了，包自己人工和朋友餐飯，除非你請朋友食「頽飯」啦，否則條大數比叫人砌仲貴，倒不如一Q過，全餐，一條龍服務，舒舒服服，落完ORDER直落食飯拿機，平靚正，一個字「掂！」（對不起，小真真現在無籍口請你吃飯=P）

現在エロちゃんCOFIG如下：

CPU: AMD 4400+
MOTHER BROAD: ASUS M2N-M4
Ram: 2GB (1GB DDR2 667khz) x 2
Hard disk: Seagate 320 SATA 2, (MAXTOR 250G UDMA133 舊機拿來用）
Sound card,LAN CARD ON BROAD, (SB 128 value+optical output舊機拿來用）
Display: 2600XT with 256DDR3 RAM
CD-ROM: LG 18X DVD SATA WRITER
TRANSFORMER:2 the MAX
包 CASE,MOUSE,喇叭

埋單：齊頭$4500

現在欠個新LCD MON，22吋大牌子SAMSUNG都係2900到，超平！或者遲一點才想吧，現在的MON仲用得。

至於新機會有什麼用途？，嘿嘿嘿，人如其名好不好？當然不行啦，我又講TIME-EFFICIENT，MULTI-TASKING，滿口英文，我又點會咁CHEAP呢？（奸笑）

最後右圖和本文沒有什麼大關係，只是我覺得帥氣，名字發音又像，拿來一用罷了，各位不用過份解讀（笑）。

Tweet