小米平板服役

image

 

使用平板其實並不是什麼新鮮事,但說來奇怪,自已第一塊平板不是自用,是買來給家母當多媒體娛樂中心使用的初代ipad。 今時今日的小米平板才是我真正第一部平板電腦。

 

因為出於做功課的需要,才考慮買一部回家中使用。如果單純當遊戲機,或者當地圖使用,我現在在用的iPhone5s, 其實使用上更方便,也更輕巧, 只是現在的螢光幕實在太少了,看電子書,或者課堂上的筆記,要不時放大縮小, 推上推落才能看到整頁內容,以閱讀經驗來說實在是非常不爽。現在用8吋4:3的螢光幕來看就像拿書在手,感覺剛剛好, 看PowerPoint也非常舒適自在,再加上便攜性上的考慮,這件產品就剛剛好了。

image

 

以現在的技術來說,小米平板的規格屬於高水平, 可以好幾年不用升級。 Retina螢光幕,行四核,大部份程式都非常暢順, 和OS7實在相差不遠, 配上6700ma的電池有著不俗的續航力,雖然只有16g, 卻置有極惡的SD咭槽,之後的升級無難道,這樣的規格,而價錢卻壓在2000港幣左右, 雖說這件產品有著濃厚的山寨味道,連我這個APPLE用家, 面對這個「䉀渣的價錢,燒鵝的味道」 级的誘惑,加埋SD64G咭升級之後,價錢就真的差接近IPAD MINI三倍,諗左一陣就即刻棄械投降了。

 

現在用來做功課, 看漫畫, 看相, 看片來都非常滿意, 最想用當然是打機, 還有用來REMOTE FOOBAR聽歌。要說不滿, 當然是大陸機常有的「隨意門」, 這個你懂的; 另外拿來玩遊戲的話, 加上這個MON就真的非常耗電, 三個小時左右就會無電,  機身溫度上到接近40度, 當然你一般用, 光度不是調到最高, 電池基本上絕對夠用, 。
但講真的, 這個價錢有這個質素, 就不能有過份的要求了。

 

image

     

小澤

呀...我咪係本網網主囉 :)

You may also like...

6 Responses

  1. KOS-MOS表示:

    因我係要拎去旅行用, 三個鐘電量…. 太少啦.

    • 小澤表示:

      我其實懷疑係因為打隻GAME係咁, 如果看文件, 成個鐘頭用少過10%電 (光度30%)

      仲有係現在個衰android, INSTALL唔到SOFTWARE係SD咭, 要ROOT機~

  2. KOS-MOS表示:

    iPad Mini retina 早午晚打下機, 睇下 Now 新聞, 都仲有 40% 電…
    iPad 3rd Gen 電更能撐~

    • 小澤表示:

      ipad的電更能撐這個當然啦, 用左幾日更能明白箇中道理, 我這幾天刪了遊戲不用, 只看pdf, 上網既話, 就能撐到半日了, 果然原兇係隻game。

      只是, 只是…電既話可以加尿袋續航, 如果用同一容量計, 價錢卻平一半, 你當粗用都好嘛~

      • KOS-MOS表示:

        對~ 在家粗用 OK.
        但因我要用黎去旅行, 咁就唔掂.
        因有唔少平板, 帶尿袋都充唔到大食 Pad

        以前試過買華為Mediapad, 12月係橫濱只係開住 GPS, 下午未夠三點就自己關機無電了, 明明只有中間開過幾次 Google Map, 部機都未用夠2個月..

        • 小澤表示:

          我既concern係, 只要唔用尿袋的情況下, 只係瀏覽地圖加上網全日2~4個小時, 可以撐到一日其實都已經唔錯。

          我懷疑, 係懷疑ios係控制程式standby mode時的用電, 其實係比andriod好好多, andriod成日唔知點解開埋d唔知乜野既program食電囉~

發佈回覆給「小澤」的留言 取消回覆

發佈留言必須填寫的電子郵件地址不會公開。 必填欄位標示為 *

這個網站採用 Akismet 服務減少垃圾留言。進一步了解 Akismet 如何處理網站訪客的留言資料