[新玩具] Monitor audio BR1 Speaker
一直用開bose acoustimass 3的speaker，其實一直沒有什麼不滿。
但自從給朋友帶去試過UE10等耳塞後，情況便有所改變。聽慣的Biancaneve bruno，192KHZ的MP3，用P1I播用CKM50播都非常悅耳，但耳塞換上UE10V後，發現了以前不曾發現的details位，原本最開頭小朋友在空地玩的聲音是聽不到的，現在變得非常清澈，打鬥的爵士樂的層次感有幾何級提升，於是心想，其實家中的器材是否如想像般完美，有無再進化的可能呢？
答案是否定的。Bose的骰仔喇叭在看戲時有好表現，因為夠力，但畢竟它的設計不是以聽音樂為主，若以播放歌曲為前題下，中音和高音表現就不夠幼細，即使我已經把所有低音都由subwoofer出，減輕了前置的負擔，但還是幫不了多少，有小小矇，樂器一多有時會「低音一大堆」，音樂有比較「平」的感覺。
於是昨日終於抵受不住，顆同好友不良牛大去選購喇叭去，我是這方面的初哥，最後經店員介紹下買下了一對Monitor audio BR1。
未出發前已經鎖訂買Bose 301，也看了介紹，價錢3千簡直超值！只是得幾間陳列室有賣，於是到了尖沙咀的陳列室去試。
或者有需要再講解一下我的要求，因為不同人有不同的需要。我聽JPOP動畫歌佔大多數，JPOP動畫歌的低音「味棈」多，於是要求的是高音和中音有出色的能力，在處理人聲，要有暖和感和空間感來彌補過強低音這方面的不足。而另一類型，是SOUND HORIZON的物語歌曲，效果音多層次也多，對器材的要求就高很多，人聲要清楚和有人味，還有高分析能力，有層次地處理效果音，而低音部份可以經subwoofer出 ，過份強調低音的「味精」音樂都是不被允許的，JPOP的低音已經夠重了。還有基於現實，房間可放置喇叭的位置不多，喇叭的體型一定要細，Bookshelf已經是極限。以上要求並不算高，如果你是認真地在追求音色的完美的話，這只是入門罷了。
看了Bose 301的實物，心裡一沉，體積太大我那間斗室實在放不下，不過還是放不下試機的慾望。陳列室的店員人很友善，講解十分詳細，值得一讚。聽畢Bose 301的示範後和我的要求似乎有段距離，喇叭處理人聲和效果音方面其實不俗，但樂器一多，樂章複雜的話，問題就出現了，過份強調的低音就像一幅牆一樣，把甜美的人聲都摭擋了，使整首曲子變得有點矇矓，即使三單元也好，這對喇叭的分析力似乎還是力有不足，還是我拿去的碟子太刁轉呢？
忘了說，今次帶去的試機碟是sound horizon的Roman，Sound horizon的碟對我而言別有意義，他們的作品，有著多樣性和可玩味的地方，聽過後才會令我有強烈的慾望，覺得換一套好器材回來是有必要，而花完錢換套好裝置是感覺「超值」的。
會選Roman，原因是錄音十分出眾，暫時是SOUND HORIZON中我覺得錄音最好的一隻，比MORIA更detail；這張碟玩味甚高，效果音奇多，開門、鐘擺、雨聲，馬嘶叫和劍擊聲，由靜靜到動態樣樣都有，有足夠地方試定立和分析力，樂器未算十分複雜，是我可以分辨的範圍，由清唱獨白，到一瞬間的萬馬奔騰轉變的場景都有，可以試喇叭的上限和爆發力，不過更重要是方便，只要幾首曲子便可以試到效果，不用逐首挑，逐隻碟換。
試BOSE 301，就試了TRACK 1《 朝と夜の物語》和Track 5《 星屑の革紐》。
之前說過Bose 301的低音太重，或許夾其他AMP可能有會好一點。就《朝と夜の物語》那一段，開首那段鐘擺聲，定位是清楚，但總覺得太沉重，唔夠「輕」，低音好實，不太滿意，之後合唱的部份，男女合唱，在過於強大的低音補強下炒理一碟，分不到前後，我不收貨。之後試 《星屑の革紐》，井上あずみ那段清唱的確十分清楚，好sharp ，但音樂一起，低音過重的毛病便出來了，狗的叫聲和YUUKI的歌聲聽得清楚，但那都是隔在低音牆之後的事。總結出來，留來「炸」機，唱karaoke還可以，但拿來聽音樂，似乎分析力不合格呢。
事後店員似乎對我帶來的專輯頗有興趣，大概很少客人試這類作品吧，我很爽快答了SOUND HORIZON出來（嘻，放毒我是不遺餘力的！），還打趣說，這張碟最好拿來試器材，因為素材夠豐富，套器材夠唔夠班，分析力夠唔夠，夠唔夠多樣化，真是一試便試得出。
既然效果不滿意，便向第二個目標進發。之前看過網上評論，JBL和KEF C系的bookshelf喇叭都有不俗評價，於是朝著這個方向再找，趕緊去旺角的相熟店鋪去。去了很多間音響鋪頭查看，一係沒有賣自己想要的型號，或者陳列的喇叭體型太大，一係就是價錢太高，成9000幾一對，不是現在的我可以付擔得起。最後去到花園街大厦，知道KEF做特價，想買的時候想起自己是初哥，還是請教專家，因為我相信「對美好事物有追求都是好人」的緣故（笑），還是乖乖地把自己的要求和現在的配置向老板講解了一次，他就推薦了用Monitor audio BR1。
據老板所述，Monitor audio是英國出品，有五六十年做喇叭的經驗，落料和功夫十分到家，和KEF C系比較，價錢無疑稍高，但音色在高音和中音都比較好，加上甚麼獨有技術（忘了名稱），分析力比起近似的BOSE或KEG較好，有人味，還有喇叭的SIZE適合我現在的要求。
是否這樣堅料呢？信SPEC，信SALES不如信自己對耳，這是試音響的不二法門。我部AMP都是同一店子買，於是可以用MARANTAZ 6003駁去試一下，遺憾是未有看到老板用什麼player去播，可惜可惜。
而試Monitor audio BR1的時候則試Track 3《 見えざる腕》和最後track 10《黄昏の賢者》。
先試Track 3《 見えざる腕》，開頭的人聲已經非常清澈，有韻味，和背景的效果音可以清楚分離出來，這兒已經聽得有點感動，而之後大塚明夫的獨白像浮了出來一樣，很有說書的效果，YOSHI！ 這就是我要的東西了。慢著，還要試由「《幻肢痛》安酒を浴びて眠る…黄昏に染まる古き獣の森…戦場で出逢った二人の男…」這一段由寧靜夜晚到快歌這一段，考驗一下分析力和低音處理能力，後面的馬聲非常清澈，由靜到音樂爆發那一下沒有「曚」的感覺，KAORI 的歌聲和背景效果音還是分離得好，低音有力，未算做得最好，但這個價錢就已經好讚了！
之後再試track 10《黄昏の賢者》，我要試的就是之前的耳聲和腳步聲那一段，看看有沒有層次感，還有流行曲的應付能力和節奏感。WOWWW~!雨聲和腳步聲的方向聽得好清楚耶！（雖然本來這段錄音就是好），感動！接著到揭書那一段效果音我真的給「震」到了，之前是了無生氣的一堆聲音，現在聽到的卻是「清脆」的連續幾下，還可以感受到方向感！我要的就是這個了，於是就此決定要買這套！
同樣很高興地，老板對我帶來的專輯似乎有點興趣，說了「冷門音樂」云云。我想大部份客人不是帶交響樂去試，就帶蔡琴或張學友去試？比較少像我這類客人帶這類碟去吧？又唱，又效果音又流行曲，兩隻歌便可以試完，嘿嘿嘿，我是挑過碟才去試的。
新喇叭新落地是要「煲」和「餵」的，不知煲爆佢之後會如何呢？想起也興奮，總之拭目以待！下個目標，喇叭線！或者是新耳塞吧。
相關資料：
http://www.monitoraudio.co.uk/products/bronze-br/br1/your-speaker
![[開箱文] Mirage Nanosat Prestige 喇叭服役](https://animesongs.net/wordpress/wp-content/uploads/2011050103-150x150.jpg)
![[新玩具] C/P值極高的DIY化震釘腳](https://animesongs.net/wordpress/wp-content/uploads/2010053001-150x150.jpg)
![[新玩具] coaxial 線材 Audioquest VDM-3](https://animesongs.net/wordpress/wp-content/themes/hueman/assets/front/img/thumb-medium-empty.png)
很明顯你把這隻 Roman 煲到癲左啦, 咁有愛, 買得合理 !!!
Monitor 是好野來的, 剛畢業時很多 HIFI 舖都有賣, 現在不知為什麼都比較少見. 我以前那隻還在, 不過要拿去修理先得了. 放了那麼久捨不得丟, 都是因為這個聲很難找了.
對啊, 以前香港是有 Monitor 維修部的, 不知現在還有沒有 ??
實有得進化既﹐睇下 How far do you want to go 既o者~
下一步… 唔好鬼用乜 AV Receiver﹐平平地入部膽Amp玩下啦
膽機…. 我有個朋友在放毒, 就是他令菲利在跌入黑膠的懷抱.
要唔要介紹你識 XDDDD
p.s. 先前的貼錯了, 麻煩幫忙刪掉 XXDD
菲利那台好像才千多罷了 = w=
安心上路啦 (推
Hi~~初次上来（問AKI要了Blog的網址）〜〜Monitor Audio是好東西来的〜〜不過因為有一段時間香港無人代理、所以近来先無o甘出名無人識、早年他們那対「金高音７００仔」可是一時銘器〜〜（我以前也用過）[emot]grin[/emot] 胆機amp緊係好野喇〜！個人経験、一部幾千元既Audio Space胆機、通常都会比一部過萬元既石機好声〜！！又可以換胆較声、非常好玩架〜〜[emot]coolsmile[/emot]
hahaha~~真身被識破了〜〜其実論details的話、現代的胆機是不会比石機差多少的〜〜（相反、好多人重嫌新近D胆機分析力太高、太似石機添〜〜）胆方面的確比較麻煩、某D名胆比大陸人抄到天甘貴、、、不過事実上有好多吾太貴又好声既選択的（我有好多可以介紹〜）。重有一部胆機係有６−８支胆、不過其実只要換第一級放大部分果一支／一対胆仔、声音改変程度已経可以非常之大〜。「前石後胆」這個想法不錯、不過我覚得「前胆後石」可能更好。因為一来好声既石前非常貴。二来胆後換功率管又非常貴、、、所以我宜家套機就係「前胆後石」〜（本来後級都想用胆後、不過我対Speaker太大食、毎声道過１００W既胆後太太太貴了、、、我買吾起、、、）。金高音７００仔今時今日二手重可以売＄４８００？果然係一代銘器〜〜[emot]laugh[/emot]你対MA都煲左五個月（相信都超過１００小時？）、重未熟嘛？吾見你有最新報告既？
対MA買左成年？不是今年５月才買的嘛？[emot]puzzled[/emot]我知道一件都好似中左胆毒〜不過好胆介紹就要他来問我我先可以講：因為我吾知他用邊種胆、二来我又吾知他要求那一種音色、、、例如原来他喜歓純厚類音色的、我吾知叫他買Valvo甘就死得人了〜〜[emot]puke[/emot]影音分家絶対係好事喇〜〜不過你有地方放両套機嘛？我自己就対「音」比「影」重視、所以影方面就一路都無接Surround或Hi-Fi的〜（無地方、也無錢放両套機）。対了、你部Blu-ray Player係PS3嘛？是的話、有好野可以試（遅D話你知）〜〜[emot]grin[/emot]対了、岩岩問阿特借左「Roman」同「少年は剣を」番屋企〜過幾日有時間先慢慢聴〜。
我見你買MA個post係５月出、所以重以為係５月先買添〜〜[emot]shy[/emot]一件方面、錢吾係問題的話就吾洗煩〜〜第一選択緊係Telefunken既最高級型喇（先吾講同本身套機配吾配声、但説到要「人聲如何甜美」又要「音樂如何多樣」的話、Telefunken就最付合要求）〜〜。你部PS3有無接過Optical output落部DAC聴過CD？講個秘密你知、PS3個転盤部分其実係超堅的！！就甘出声係普通D、但接DAC当転盤用効果就好勁！！一般市面上萬元以下既CD機接DAC的話、効果不会比PS3好多少（不過只係講緊薄機以前既型号、薄版就吾知、因為吾知有無cut cost令転盤部分変差左）、我之前係其他Hi-Fi友度試過、真係吾講得笑架（記住係用Optical out！）Sony成日話売一部蝕一部、我真係覚得吾係講大話、如果吾係我有個売高級二手音響既朋友介紹我都吾知〜〜[emot]good[/emot]
Warning：不過経験話比我知、用Telefunken或好多牌子既最高級／特級胆、如果部機設計得吾好或者零件用料差的話、通常会変差左声的。原因係支胆分式力非常高但部機食吾到、D声会変得好「薄」好「叫」！要将部機D差既零件換左之後先可以表現番支胆既真正実力出黎！！這一点要先話比一件聴好D〜〜[emot]grin[/emot]
初玩膽機吾洗買成皮野一部既〜〜。Spark已経係非常好既選択、声価比非常高、造功也好（請不要以為他是国産的就少看他〜〜）。下面条link果部只要５千左右〜〜！只要先換前級放大部分既一支12AX7、已経有排玩〜！之後有須要先慢慢換埋推动部分既12AU7、功率管EL34~~。這部機毎邊有３８W、絶対有力推好你対MA BR1或再大一個size既型号。我１０年前買既第一部胆機也只是幾千元貨色、也是毎邊３０W左右、但已経比之前用開、近萬元毎邊８０W既石機更好声更好控制力、分式力也更高（重要係未換任何好胆既情形下、果陣我先知道一直以来完全誤解左胆機、以為其只有音色但無力同分式力不足、、、）。Telefunken胆、例如12AX7既最高型号ECC803S就最大件事、全新要HK＄６０００一支（係一支！！！！）次一級既「Grip plate」就HK$1000、係数一数二最貴既胆、、、、所以吾建議、、、因為太痴線了！[emot]puke[/emot]你説的「石墨CD墊」、係吾係FIM出、有両面吾同効果果張？当然信你喇〜〜電脳HD直出digital data的確係有先天優勢的〜〜如果吾係近来都吾会甘多人玩CAS了〜〜其実我都有考慮過試下玩、但最大問題係我部電脳離套hi-fi無雷公甘遠、用太長既接線可能会有不良影響。又驚我套完全独立取電既hi-fi接上電脳後会引入高頻Noise（我套野好敏感、只係接上非同一供電既信源入力、音質就会下降、即使果個信源根本無On到、、、）、所以無玩、、、、。想起一個問題：你対Speaker下面有無安釘脚的？Spark最新近出既胆機〜上去看看喇〜〜個様都幾好架〜〜。http://www.sparkaudio.com/cn/products/MT-40.html
初玩膽機吾洗買成皮野一部既～～。Spark已経係非常好既選択、声価比非常高、造功也好（是中国産、但在日本可是十分有名的～～）。下面条link果部只要５千左右～～！只要先換前級放大部分既一支12AX7、已経有排玩～！之後有須要先慢慢換埋推动部分既12AU7、功率管EL34~~。毎邊３８W、絶対有能力推好大部分小至中形Speaker（吾係「説」你買～只係提供参考資料〜）[emot]shy[/emot]www.sparkaudio.com/cn/products/MT-40.html説到Telefunken胆、以12AX7為例、最高級型号既ECC803S全新約HK＄５５００以上一支（係一支！！）次一級既「Grip plate／坑屏」都要HK$1200一支。12AU7的話、ECC802S全新約HK＄２５００、「坑屏」要HK$1000、Telefunken係数一数二最貴既牌子、所以我吾多建議、、、因為太痴線了！所以都係叫一件吾好乱来、買之前先問一問我或其他経験人士、確認左真係o岩自己口味要求先好買。因為就算係同一胆牌子、不同型号既声音取向都可以好吾同架〜〜[emot]puke[/emot]当然信你喇～～電脳HD直出digital data的確係有先天優勢的～～如果吾係近来都吾会甘多人玩CAS了～～其実我都有考慮過試下玩、但最大問題係我部電脳離套hi-fi無雷公甘遠、用太長既接線可能会有不良影響。又驚我套完全独立取電既hi-fi接上電脳後会引入高頻Noise（我套野好敏感、只係接上非由同一供電既信源入力、音質都会下降、即使果個信源根本無On到、、、）、所以無玩、、、、。用PS3当転盤時低音多左可以理解、因為始終係Sony系声底嘛〜〜！日本品牌CD機之中、Sony的低音（吾係超低）表現是数一数二「刺激」和「直接」的（所以好多発焼友都会嫌Sony既声太「粗」同「無品」〜）。八掛想起一個問題：你対Speaker下面有無安釘脚的？重有、你買的「石墨CD墊」、係吾係FIM出、有両面、可以調較不同声音効果果張？
SORRY,,,出Post果陣出左D問題、2009/10/15 16:14那個Post才是岩的、之前的可以不理cut去〜thx~~~[emot]fear[/emot]
原来是Weizhi precision的石墨CD墊〜〜我以為你係買左新近出FIM果張双面CD墊添（因為近来最多人講既係FIM這張〜）。
哈哈〜Weiss的DAC、、、、那位師兄真的好介紹呢〜〜聴説Arye新出的QB-9也十分不錯、価錢不到両萬〜一於去馬吧！[emot]grin[/emot]
整部macbook光纖出DAC＞＞甘都叫「平平地」？両件野加埋無喇喇又洗過萬哦老細〜〜（加上我有部iMac係度吾用、走去買多部Macbook造Music Player、又好似富貴左D〜〜）其実対於CAS我是抱着正面観望態度的〜不過重係覚得有D問題不好解決所以暫時都吾急住去馬〜（只係想像一下点様将我手頭過千張CD好好地転換成Music data已経係一件麻煩到想死既大工程了、、、）[emot]fear[/emot]
濾波拖版我以前用過、但其実幾好既濾波拖版也是有其天生問題的、開頭真係有用、但用多幾年就会出問題（物理成因方面既野太長、吾冩了〜）、所以我宜家無用、只係比Hi-Fi独覇一個入牆挿座来避開其他電器干擾。
其実真正想電源好的話、一係完全独立由電箱出線比Hi-Fi専用、一係就買部PS Audio Premier之類既「電源再造器」（隔離牛都可以、不過効果無以上両者甘大）。
但我這邊的問題是因為外部信源那邊取的電源不好、透過RCA線将外部Noise引入Hi-Fi内。所以就算套Hi-Fi用左部PS Audio Premier都避吾到的（同我朋友情形一様、他大爺有錢買PS Audio Premier黎用、但套Hi-Fi一挿上部DVD会有問題出現、原因係部DVD機用外部電源〜〜部Premier既挿座無位再比部DVD用〜〜他套Hi-Fi吾平、接線、塀閉等都造足功課的、都有甘既情形出現）。Hi-Fi既野就係甘麻煩、套機分式力同放大能力越高、就越容易聴到D干擾問題、好煩（当然、有錢有地方就what都吾洗煩喇〜）[emot]sweat[/emot]
Speaker下面放「圖釘」Work一D都吾奇〜基本上只要系Speaker下面墊任何野都会変声的、分別只係変左之後既効果係吾係你想要的〜〜岩用就話之你墊牙簽都得。因為我見你対於低音形態幾有要求、所以覚得你無理由会吾墊釘来控制低音、所以八掛問声〜〜。
PS３果邊、直出既声我試過幾次反宜覚得麻麻地、有点矇同動態不足、、、可能係因為無得換條好D既RCA線掛〜〜
換吾換胆機既野吾洗急〜宜家套機岩自己要求就得喇〜。我只係見你対宜家既胆機好似有D誤解、所以比D資料出来你参考下姐〜。其実我都吾係無胆不歓的、因為当器材本身既設計去到最好、胆石根本無高低之分〜只有声音「格局」同「音楽表現手法」既分別。[emot]shy[/emot]
預留彈藥留係下年三月？有大動作？有野想買嘛？
原来留弾薬係為左去日本看演唱會～～重大件事過換機嘛～～[emot]grin[/emot]
那些$20呎的銅網、我那個用緊Premier朋友都有用緊～～但只係令套Hi-Fi既声音変得更静、対電流干擾反宜無作用（似較声多D）、一接上部DVD都係改善到（看来他要買多一部Premier専比影視器材用先得〜不過吾緊要、人家買得起嘛〜）、、、
重有幾千要RIP？真有恆心～要我慢慢去全部RIP、不如殺左我把喇（＾０＾）～～
我誤会左你係用PS３自己個DAC、出RCA落部馬仔添～甘看来PS3同馬仔入面個DAC相性好D了？
錢、我都無。不過覚得今時今日玩Hi-Fi要好声吾単止「無錢吾得」、連「有錢都可以吾得」。因為近来真係聴過太多高貴名牌器材、声音同価額不成正比不特止、有D重直情係「騙財」！！如果吾係個名同外殻手工、只聴声真係以為係幾千元貨色、、。連D以前好有名気、出名好声既牌子、宜家都開始求其乱甘黎、、、例如某A字頭既名牌Speaker、宜家出既成８萬幾一対座地、声音可以比十幾年前同牌子、只係２萬幾銀既同size型号差、、某W字頭既名牌CD機、売成５萬幾、但音質就又薄又硬、可以聴到你即刻想関機（価錢貴左都勉強可以瀬落通脹度、但声音差左果下点解釈？）、、、、可能係因為大陸近来有錢但又無耳既暴発戸多左、D錢易入袋所以D名牌開始乱Q甘来掛。今時今日買機、CD機以外（因為個頭容易老化）、我都係覚得買舊既銘器二手貨好D（Amp同Speaker既製造技術、十幾年来根本無進歩過幾多）、物値比実在高太多了～～我宜家識果班発焼友個個都係甘玩（因為大家都吾係Hi-Fi富豪嘛〜）[emot]sweat[/emot]
我聴日又要去人地度Hi-Fi会了（有朋友setup好左対Dynaudio既C１〜）〜〜[emot]laugh[/emot]
幾時有時間、有興趣的話都可以上我度八下架（＾０＾）
和其他日本牌子比較、其実馬仔算係交足功課的了〜〜馬仔11和15系既CD同Amp係非常高物値比的〜〜
只是声底調較得比以前淡了少許、所以有D本来喜歓馬仔既人吾鐘意（我上両部CD機就係SA15S1同SA11S1)、、、
毒毒會（這個講法吾多岩、我果邊放吾到毒毒人的〜〜XD）方面、可能有少少問題：因為我果邊地方細、
最多只能同時招待両位、、、重有Avalon既喇叭出左名皇帝位只有一個、座過少少已経変声、
両位仁兄的話就可能要張就一下輪流座皇帝位先得了、、、（＾＾；）
聴完「Roman」同「少年は剣を」、発覚後者合我個人口味多D（録音取向都係〜）、所以我已経係HMV落左order了〜〜[emot]grin[/emot]
HaHa~~「普渡眾生,潤澤萬民」〜這類発焼友才是最毒的、要避之則吉！[emot]grin[/emot]早幾日問阿特借埋「Moria」同「聖戦のイベリア」番来聴了～～我発覚原来「在我這裏」、最好声的Sound Horizon CD是「聖戦のイベリア」！！[emot]shock[/emot]其実聴過Sound Horizon的四張CD、録音也都非常不錯〜！不過、「聖戦のイベリア」是唯一一張、能令我覚得自己坐在一個「音響効果不錯的劇院」、現場聴／看緊一套「舞台劇」！動態対比強、空間感強、楽器和人声混合時各自的泛音也接近真実効果、重有一浸一浸、但又非常自然既超低頻果下先絶！！後段那些混声合唱也真的有点「現場合唱」感！！対比起来其他三張CD就有少許「人工mixing」感覚：比較像録音室効果、現場感差了一点～。当然「聖戦のイベリア」也絶対是録音室mixing出来的、但看来負責這次mixing的仁兄（或器材）非常強勁！[emot]good[/emot]看来我有可能要上HMV定埋張「聖戦のイベリア」了～～[emot]sweat[/emot]（不過先声明、以上結果只是以我家為Standard、不是絶対的啊～～）[emot]laugh[/emot]
有趣事件〜特登黎問一問你、確認少少野〜〜[emot]coolsmile[/emot]
早両日我行経信和、碰見一個老朋友無喇喇問我識吾識有張「霜月はるか」既新CD叫「グリオットの眠り姫」〜〜
因為他説岩岩同一班人去試機、有個人用這張CD試声、我朋友覚得張CD好好聴又幾好声所以想買番張、、、、
我突然覚得有D古怪、就問他用這張CD試機既果位仁兄係吾係叫「亜澤」、他呆左一陣、問番我：
「、、、点解你会知既？」[emot]coolsmile[/emot]
好了〜問題来了〜〜到底彼「澤」是否此「澤」？
你識吾識一位四眼仁兄、玩耳機為主、用緊Marantz SA15s2 CD機、Corda SYMPHONY耳擴、又岩岩新買左対Sennheiser HD-800耳機既呢？
世界真係甘細小？[emot]grin[/emot]
点解今次甘耐重未回我既？到底果個「亜澤」係吾係你？好想知〜〜[emot]puzzled[/emot]
老友〜〜甘耐重未add我既？AKI吾係已経比左我MSN你嘛？
我就黎放假、可以開「毒毒会」啦〜（所以要MSN約〜難道要在這児留個人資料聯絡的嘛？）[emot]fear[/emot]