放毒

正所謂「人人毒我,我毒人人」,這正是AV男的共同宿命。

今日雖然下著大雨,但也無阻兩隻豬,一隻版豬,一隻老豬,「攞齊」架生來小弟家中試機。 會挑在這個時間,無非是版豬恰巧今日交收他那對貴價耳擴,而小弟又換了喇叭加喇叭線,剛好老豬又放假,於是因利成便速成了這個試機會。

試機碟,還是Roman,今次再加Macross F和坂本真綾,我套儀器是sound horizon音樂強化機,效果還算滿意。不過唔係版豬特別提起,和MAY’N隻DVD現場比較後,才無發覺Macross F那堆歌,音場其實比較窄和集中,難道是「就番」耳筒使用人仕嗎?

講起版豬隻手提耳擴,我只知係貴野,聲音好吸引,不過我搭車時間少,我個人需求不大。聲音係比膽機冷少少,但銳利而有層次的聲音,拿來聽效果音和鑑聽錄音質素一流,而且剛落地,遊刃有餘未操起,應該還有潛力再上。

但自問耳擴,我真係唔多識佢:還是直接看資料:http://www.raysamuelsaudio.com/products/sr-71a,加埋佢對度身訂做的耳筒,再加隻IPOD NANO和IPOD專用貴線,一下衝頂,過五位數字器材就這樣出街聽,我就唔多捨得。若果要再上,真係要學埋那些神人,連部IPOD都玩理改裝,改電容,改頭直出,到時都咪語唔勁..

比較遺憾少少是版豬隻耳塞個耳模係訂做,版豬專用我帶不上;還有沒有一條好的RCA去耳擴,否則可以用SOUND CARD loseless直出,不用拿MP3試咁慘。

至於老豬這隻始作俑者,係佢用他那隻耳擴膽機成功「毒害了」版豬。他那隻耳擴膽機的確聽人聲頂瓜瓜,人聲好滑,好油,有甜味,但比起版豬隻耳擴,似乎是犠牲了少少分析力,但真是各有各好,但我個人就喜好版豬那隻耳擴。

席間還試過由電腦過DAC,再過耳擴來推大牛龜耳筒,嗯,可惜係條RC線唔得,效果失了真,下次預備一條好的線吧!還有還有,就是試喇叭的擺位,這方面果然是老豬較在行,我就未必聽到那丁點兒分別,要再操一下對耳先。

又或者下次天氣好~我拿條線過去老豬家試下先~

     

標籤: , ,

關於 小澤

呀...我咪係本網網主囉 :)