原來我的價值連一本漫畫書也不如?

我有些習慣無論如何也很堅持，觸到我底線我會很火大的。

我和朋友出來吃飯，手上有剛買回來的漫畫書，新動畫唱片，畫集，新動畫DVD，雜誌和GAME等等，即使自己有多鍾意，幾興奮，全部都會一一放低，絕對絕對不會自顧自，拿漫畫自己一個人看，開PSP自己一個人打，或者戴着耳機一個人自己聽音樂，一定會拿出來和朋友一起看，然後吹水吹到夠為止，你當我「演野」都好，我不在乎。

這個自我要求我已經守了很多年。

或者你會覺得我在無謂堅持，好執著，但我覺得這才叫基本禮儀，是對我「對面」的朋友一份最基本的尊重。

時間寶貴，包括你和我，大家的時間是一樣的寶貴，這是我堅信的原則。

約得出來，無非就是「想見個面」。電話，MSN，SMS傾計吹水，任何事，包括「友誼」，都要花時間投資，這點我知，覺得談不夠，要約出來再「吹」，就更花時間。既然人家肯花時間和力氣在自己身上，這種難得的「尊重」，作為朋友，我覺得有必要珍而重之。

因為有這份「尊重」，我會用喜悅的心情來迎接這個美妙的時光，但唔該，我也希望我的朋友用一樣的心情對待你「對面那位朋友」　－　即係我，而唔係你買左，看多幾次都唔會走的那本「漫畫書」或者「小說」。

我是漫畫迷，動畫迷，遊戲機迷，樂迷，我理解這份急不及待的心情，但「理解」並不等於「認同」，凡事都有先後次序和輕重。

既然講得自己咁忙，咁唔得閒，就要好好珍惜這「擠出」來的兩小時，用盡佢。吹水，講是非，講下動漫打機，我唔識打GUNDAM都陪你打，我搭唔到咀，點都會俾眼神交流，或者乖乖地聆聽對方說話，學下野，俾下反應再插咀。

有野想找我吐下苦水咩? 得！買幾枝啤酒，幾條友去公園互隊天光都仲得，只要朋友需要我，信得我過，我有能力必定做，因為我覺得這是「尊重」。

漫畫書，小說今日看和明日看都會係一樣，紙質段估都唔會變黃得咁快，一樣看得HAPPY。不過你個朋友今日「得閒」唔代表明日「得閒」，現在花時間在「人」身上，比係一件「死物」更迫切，這才叫「尊重」。

一兩次我可以唔出聲，因為我理解，但次次都係咁，約親出來都係一路食一路掛住望住本漫畫，連埋單時都仲係望着本漫畫，總覺得我連你手上那本30~40蚊漫畫也不如，係我阻住你睇書打機，原來我先至罪大惡極！哇！你本漫畫，本小說和PSP重要成咁，我這個「局外人」都係唔好打搞你好啦，地球太危險了，你還是回家看書安全點囉！你係咪想咁？

唉．．．講得多都覺得自己在對空氣說話，好鬼灰，原來我的價值連一本漫畫也不如?

在茫茫宇宙中，兩個，三個人能夠在這個時空，這個場合，能夠同枱食飯吹水聊天，是一種「奇蹟」，但這個只有自己相信，「一個人的奇蹟」有鬼用咩．．．．

Tweet