廟街煲仔飯
哈哈哈!! 有老友說今年入冬後才食了第一次打邊爈，我呢，都唔執輸，趁天氣變冷後，和老友阿影到廟街食了今年第一次煲仔飯！
原來現在的煲仔飯賣得好鬼平，一個窩蛋牛肉飯都係18元，一個臘腸雞飯都係25元正，加個20元細蠔餅，每位40元有找，食得又飽，感覺份外滿足！
在早來的冬天，係廟街露天被寒風吹到口水鼻涕流，兩條傻佬對住個熱辣辣的煲仔飯，筷子篤住蠔飯，湯匙括著飯蕉，大口大口吃下去，「一句點滴在心頭」，都咪話唔過癮。
超級好味就未至於，總算貨得對辦吧，25元個的季節食品，每年至少吃一次就唔好太多要求囉，風味行先！
Tweet
近期留言