香港亡矣!

立法会补选,究竟最后系补选定系公投,去到现在我其实真系唔多care,无论边个胜出都系闹剧。

以下粗鄙词语劲多, 请见谅。

但看完新闻后就好想王国兴即系收档!点解香港仲可以收留咁「茂利」的议员架?仲好讲系一党之副主席?!

公投只有一个主权独立国家可搞,所以我就当佢补选。你班大帝就一口咬定佢系公投,哇!乜原来我那一票咁劲架?公投㖞!香港咁耐都未试过,有得玩梗系试下啦!唔系都讲到好似系咁,给人造势,这不是「胶」还是什么?

又成日乜社民联搞鬼,浪费公帑,公投违宪咁咁咁,违宪你咪告佢囉,告到佢收声,嘈乜鬼?!但可惜系:

一,党和个人只会违法,世界上只有政府违宪,你讲紧边个违宪?
二,现实系公投本身都唔系由香港政府推动,系有班议员利用补选,把议题单一化变成好似公投咁,讲到系似咋!本质还是补选,告都系好似引用商品条例法,告失实声明..

啦,咁又胶多次囉!痛脚又捉唔到,做唔到野就只有狂出口术,扮做野攞人工,似足钟意压人人工廿蚊张咁,出口术屈人地违宪!兄弟,违宪可大可少的,正常人都怕怕,大陆同胞讲我地违宪我理解,佢以为香港政府搞咁更系唔得啦!而且都系讲俾大陆普罗伯姓听叫佢地唔好乱来,对像唔系香港人;香港教育鸡,但只要有中三程度,有认真读过西洋史都知你阿王生乱吹啦..收声无人话你哑,现在张大眼讲空话,仲要讲无人信的大话,难度这是你党的特色 - 无耻?

好啦,变番补选啦,补选要钱咪拨囉,基本法规定议员重缺就要补人架啦,无钱点选?政府无钱咩?单系印花税都够俾突啦!系要小气到猛搞小动作,人地补选要拆宣传板又话浪费公帑,要唔拆;喇,咁下次补选就大家一齐唔好拆牌啦!有口话人无口话自己正衰仔呀!阻止已辞职员重选,喂,要倾都等齐人先倾啦,你又知佢五个选硬的?查甘乃威偷食不隧,高铁拨款又咁爽手㖞,乜大党做野咁大细超同小气架?!

系够guts的,就好似郑大班当年阻领汇上市咁,找位阿婆告政府又好,告社民联加公民党又好,依足程序等法庭判阻止拨款囉,还是一早知道自己告唔入?

明明我劲憎长毛,但一想起呀王生伙人的咀脸,唔想投的,都变得超想投票俾阿毛哥,如果多条咁的「茂利」的议员入局,香港亡矣。

     

标签: ,

关于 小泽

呀...我咪系本网网主囉 :)