[新玩具] furutech TF-1A藍fuse + isoclean 13A fuse用後報告

第一粒furutech TF-1A藍fuse, 20MM 1A，放在MD-10之內

因為是第一次用高級fuse，評語不能算太中肯。

就初步感覺，人聲比以前出，係樂器定位，PINPOINT得比以前更清楚，空氣感，整體力量加強，各方面進化明顯，算平均型，無特別音色取向。

第二粒isoclean 13A, 25MM，現在插在BDP的MK插頭之內，要試幾次先至試對使用地方。

第一次試插係MD-10用的MK頭，空氣感，高頻和低音比以前出，但音壓我覺得太強；
第二次插AMP的冷凍銠白金MK插頭之內，保留了清澈的空氣感，力量則比插在DAC內均衡，但對我現在套GEAR來說，仍然係猛。
最後插係BDP的MK插頭之內，Play SACD, CD, Blu-ray保持了滿飽滿的空氣感，比起插在AMP時較內斂溫柔，我個人就比較喜歡。

經初步測試，這粒 isoclean 的音色用後係火力，低音表現比較好，但線條比較粗，如果鍾意聽電結他會聽得好爽，但要求比較暖和的人聲就未必咁適合。

兩者夾埋變化有幾明顯呢？大概提升5~10%左右，但前題係電源線已換。聽侵略する者される者，拍掌的收掌聲拉長了，後面的刀劍聲和燃燒聲比對之前清楚；聽桃井はるこ的英雄の詩，前段鼓聲遮了後面的三味線，現在都聽得清楚；聽Suara 的睡蓮 -あまねく花，人聲比以前浮了出來，然後後面音樂一浸浸的, 簡直係享受。

以我有限知識，現在這粒有資格稱為頂級，一粒價錢已經等於四佰粒fuse(爆汗），既然有限數就一步到頂，無謂唔拖唔水玩到一半就嚷換器材，到時玩得仲「金」。

不過我必須說明，更換補材，頂多只是還原器材的應有表現，或者用作調音用，差的器材及軟件，無論點俾補品，都唔會改到曉飛，換，要換都一定係器材行先，改變才會明顯喔。