奧井雅美 Asia Tour 2010 演唱會報告

by 小澤 · 29 5 月, 2010

因明日還要開工，長話短說啦。

場內亦不準影相，所以相片欠奉啦。

大概六時半左右到場，場內還不算太多人，還可以和工作人員敍舊打下牙較（笑）

今次的T-SHIRT質地不錯的，即場買了一件著上身等入場！

入場人數，我看太概七乘滿吧，和我預想的差不多，我識不少香港朋友，是因為JAM PROJECT而認識奧井，和我這種「老餅」打從一開始認識奧井先略有不同，在兩個event相當接近的誘因下，又兩派歌迷「非常重疊」，這個入場數字就差不多啦。

演唱會八時半開始，開場十分鐘左右，播放奧井以往的演場會片段，還有她在港拍的MV片段，這方面在炒熱氣氛方面功不可沒。

奧井今晚穿的是KIMO加loli的混合服，再加長boot一對，人看起來相當青春（笑），表情比起2008年JAM PROJECT來港時明顯活潑很多。

今次MC的時間比以往的演唱會都長，大概粗略估計有超過半小時至四十五分鐘，當中大部份都係為JAM PROJECT今年9月23日的香港演唱會鋪路，這個絕對理解！歌曲17首，對純想入場聽歌的老友可能不太好，幸好談話還是相當風趣幽默，周不時拿北川洋開玩笑，例如忘了抽起在口袋中的護照拿到洗衣機洗，房間超級淩亂之類．．．等等，這方面我還算受落，要聽歌，我可以在九月JAM PROJECT演唱會再聽過飽嘛。

17首歌曲中幸好還是舊歌為多，有SLAYER還有秋葉原電腦組，我好多都跟到節拍！（握拳）

這個安排其實想起來也不覺得太奇怪，她在整個五月都要巡迴演唱，再加JAM PROJECT遠征，ANIMELO籌備等等，其實已經相當疲憊，會選上較為簡單的演出方式可以理解，而這個安排亦使奧井在是晚演出相當穩定，這是值得一讚的。

中途可能因為香港天氣熱的關係不斷渴水，不過奧井今晚的演出相當穩定，還玩得幾high的，大合照時，我坐第四行，沒有一齊湧上去，應該影不到我啦。

音響．．．well，未set 好！（這方面我好老實），聲音偏哂向右面喇叭，而且個低音開得勁過頭，而負責人聲的中音又貌似較低左，聲音有點矇啦，開頭唱輪舞，人聲凹左下去咁，去到TRUST慢慢變正常少少，tune番正，反而唱紫音-Sion-時最OK，唔知set那位人兄係咪用這首歌作測試場地用呢？anyway，暫時心目中set得最掂都係SUARA那一次演唱會啦，直頭係正！（認真）

題外話，十次有九次有老友都投訴話主辦音響set 得唔好，我明，絕對明，我都係消費者點會唔知，不過其實音響那方面就一言難盡，總之唔係ED PRODUCTION「一條友」話哂事，各位自己諗下啦

全晚估不到其中一個笑點會落在結他手MACARONI身上，一句「我好鍾意吔蕉」，我諗佢一定係聽左今日商台，梁思浩和小儀的開心快活人了！而這句廣東話，當然不是單指食香蕉這樣簡單吧，就攫獲不少FANS的歡心了。

暫時寫住那麼多，到時大家一於在9月23日JAM PROJECT演唱會，滙星再見！

<<以上歌list 轉自GAF>>
1. 輪舞-revolution-
2. 朱-AKA-
MC
3. Get along
4. 邪魔はさせない
5. WILD SPICE
MC
6. 時に愛は
7. あの日の午後
8. TRUST
MC (MACARONI☆登場)
9. little wing (acoustic ver.)
MC
10. Flower (acoustic ver.)
MC (MACARONI☆退場)
11. 魂のルフラン
MC
12. 紫音-Sion-
13. MASK
MC
14. Birth
15. INSANITY
16. Shuffle