老伴, 你終於要離我而去嗎?

陪伴我三年有多的PS3差不多要壽終正寢了,退不到碟,開不到機,現在灰到無朋友。

其實之前一日已經有點預兆,在玩戰國BASARA,用石田三成破二輪玩到最後一關大阪城之戰蒼之時,有數次會無緣無故HANG機,起初以為玩石田三成用普通技有BUGS,於是唔玩住,點知第日全程用普攻還是一樣出事,仲一搞不起。

我當然知道HANG機後不要強行退碟,但唔死都死左,今次熄了總制重來,左反右反還是救不了回來,hard-reset都搞唔掂。

這樣子看來只有維修一途了,不過看網上的留言,似乎現在第一代都沒有後備零件可供應用,有九乘機會拿去SONY維修中心裝模作樣一兩天後,然後致電給你,要你補成仟銀換部未必新,連手制都無,只得數月保養的PS3簿機。

難為我的PS3還是用料最足的第一代,我真的不想換,聽SACD,齊reader,DVD 和CD UPSAMPLING最好的一代,雖然以上我手頭上都有代替品,理應問題不太大,但硬解玩PS2遊戲這一樣就絕對無乜計傾,現在賣的無,將來的亦一定無,因為以SONY的死人性格,寧放係PS-STORE賣都唔益你,真係灰到無朋友。

算,買新機唔係問題,問題係那些辛苦練回來的遊戲data未必救得返,Final Fantasy 13,北斗無雙,高達無雙2,無雙大蛇,還有戰國basara,塊魂,還有機械人大戰的SAVE DATA,可是辛辛苦苦儲回來唷..真係灰爆,都唔知救唔救得返。

現在懇請各方高人,有沒有在價錢相宜又信譽良好懂維修PS3的香港/九龍/新界鋪頭介紹嗎?大恩大德喔。

     

標籤: ,

關於 小澤

呀...我咪係本網網主囉 :)