走了一批, 但來一批更糟的!

不知是否工種關係，公司的前線工作人員流失極度嚴重，工作超過一年的已經有資格叫資深員工了。

工資和外面公司的差不多，要求唔高，只要有流利中英文，工時又唔係特別長，福利和陪訓又唔係差，係最衰要輪更和要對「客」，但若以第一份工來說其實相當不俗。

公司不斷請人，因為這個關係，我就日日有工開，有班教，由預備教學資料到開壇講學，日日在忙，自私點說，某程度上我算是既得利益者，不過這個想法很快便發覺對公司，對我自己其實並不健康。

前線工作人員大量流失，前線人員的工作量自然流向2nd tier的身上，2nd tier工作量大增的同時，若沒有人工等等compensation，也容意萌生去意，增加2nd tier人手去救前線工作未嘗不是辦法，但前線工作人員都嚴重缺人而且經驗尚淺的同時，晉升一個前線工作人員為2nd tier那會是容易的事？夾硬晉升只會製造一個更大的炸彈。

物色一個適合的2nd tier從來不是一件容易的事，尤其現在。技巧，公司規矩可以教，經驗可以累積加師傅催谷，但現在最煩，係現在請的新人非常不濟，係心態上不行，不是無乜常識，就是缺乏自我解決問題能力，再來無乜責任感，兼且好高鶩遠無料到，而非常惡劣地，當中不少是以上的集合體，無心又無力，都唔知做乜，令人非常頭痛。

「俾佢做會激死自己，唔俾佢做又係做死自己」這是一個困局，難做少少又唔想做，教又唔聽，有問題又唔問，到爆大鑊就話你無教佢原來要問，OMG!!! 即使那些問題兒童唔需要我handle，但他們的蘇州屎還是要我和好兄弟們一起拆掂佢，搞到自已放假都唔安心。

而不幸地，問題兒童的供應似乎源源不絕，是成個世代的問題? 個別人的問題? 還是負責請人的問題, 我已經搞唔清楚， 我只知道走了一批但來一批更糟的!  而最絕望的是， 新的一批未掂，就因為人手唔夠，未教完就要落場仲要充當師傅教新人，水皮教水皮，點能提升質素？想起都覺得係災難， 因生伯佢地教壞手勢,，於是變成我遲遲都在跟進他們的狀況，release唔到自已去抽空學更艱深的task，研究更複雜的問題，為日後的晉升鋪路。

現在部門欠兩個head court，一個調走左，一個位縮左，想搵個像樣一點, 來頂一頂放假都唔得，諗起都頭大。