鬼唔知係女人咩! 你是否真的以為係咁?

「鬼唔知阿媽係女人」係我其中一句至愛口頭蟬，意即「係人都應該知，當然如是」的意思。這句好用易明，又多帶點權威性，順便暗串埋對方「無常識」不知幾爽！　但想深一層，事實「鬼唔知阿媽係女人」又是否「係人都應該知，當然會係咁」咁簡單？

「阿媽係女人」有兩樣描述：一係阿媽，一係女人，前者係角色，後者是需要條件，文中兩者是對等的。
不過句中並沒有明言「阿媽」係指「生你」的那一位女性，還是是「養大你」的那一位女性。

另外當中所指的「女人」，雖然應該係指雌性，但亦沒有講明是指天生的，還是後天變成的，又或者是順粹易服而來的「女人」呢？

我不是要挑戰道德觀念，甚者你可能覺得以上說話有點鬼扯，說著懷胎十月生你出來的唔係女人唔同係男人咩？也說不定，但當有一日醫學昌明，人類掌握到生育的奧秘，難保有一日像阿諾·舒華辛力加主演的威龍二世一樣，出現了男人生仔，或者機械人生仔的可能性。到時大締「阿媽」的角色依舊不變，不過成為「阿媽」的條件卻大大不同，「鬼唔知阿媽係女人」就未必再係絕對對等。

現實是「阿媽係女人」是一句重言句，因為「阿媽」這個字無論專指生你或者養大你的，都必然係「女性」，因為這個字天生就有性別歧視，不會有人傻到指著自己母親話佢係男人的人吧？

以上論述看似很廢話，但當中帶出兩個重點：

第一，「阿媽係女人」這個既有觀念，其實把很多事物描述，形成和因果關係描述通通簡化，務求以最快方法為前者提供了解釋；

第二，但某一些事情的構成條件是有機會改變， 如前述，以前唔得唔代表以後唔得，古人都無估到今時今日的人類可以登月吧？

既有觀念的好處就是能夠以最快捷方式，提供當前事物一個解釋，使人不花思索便可以果斷定下決定；而更重要是這個決定機乎一定合乎世俗(NORM)規範，放於四海皆準的，唔會點樣撞版。

但時移世易，就像「阿媽」構成的條件會變一樣, 有些東西是有機會變的。不過大家亦不用太悲觀和鑽牛角尖，「阿媽係女人」在絕大情況下是精準無比，至少你面前那位母親相信都是一位女生來（笑），只是想提醒萬一有問題發生，諗爆頭都想不通的時候，試試把一些以前覺得沒有可能，一定無錯的結論再循序漸進審視一下，就有可能發現，所謂絕對，有時亦未必絕得哂。