Cambridge 650BD 的素人mod 改

雖然稱不上音響的深度發燒友(嘿）, 但上得以音響和AV器材聞名的POST76的論壇多, 就像人一定要呼吸一樣，自然地會給一眾大毒梟, 大MOD王塗毒，毒完都唔知發生什麼事，完全避免唔到。 有感論壇上師兄們改部BD改得咁過癮, 自己部cambridge 650BD雖然用得好好地, 但既然過了保養, 心癢癢就係時候搞搞佢!

***請留意，如果完全沒電子知識就不要亂改，事前亦請影好機內結構圖，萬一要還原都有法可循。**

今次MOD改分三次進行三段不同時間進行。 第一次，之前把機內貼落的水磨砂紙全部撕走, 　 去旺角新填地街買合金銅片,  如相中顯示一樣，機頂貼銅片, 而係DAC部份就利用銅片打造屏障, 因為只得剪刀, 鎚仔等簡單工具, 期間困難不大，但外觀就要認真麻麻, 但內籠就不要苛求太多, 只要有效果就可以了。

測試效果係, 音場和動態都比用砂紙闊而且來得生動 ,　清得來沒有局促的感覺， 但畫面顏色和深度, 感覺上反而沒有砂紙般銳利。

第二次改, 改古河冷凍銠白金未銲IEC頭。都沒有特別困難， 音色清楚了少少, 畫明黑位對比度再高少少, 但未至於十分明顯,　真的要專注才會發現微少變化， 我想係機內接線未改動的原故, 本來想改機內接線, 只因入底板的接口好難拆, 拆了入唔返, 就次作罷。

第三次改, 就改插線。偶然地係旺角鴻x商場找到$4個用電腦火牛插頭件, 用料唔靚而且唔對位,  不過只要改少少, 就足夠夾實電線,  而只要新插線有足夠長度觸摸到電線插頭，jumper用料是否上乘就再不重要了。

於是利用自己現成oyaide PA 23線,劏70~80mm, 當機內接線, 而用剩的銅箔, 就當遮屏, 包著現有的接線。 自認技術所限, 整得「樣衰」就沒辦法了。

現在由拖版到機身內都用oyaide PA 23線, 頭尾駁冷凍鍍金頭, 插頭再加hi-fi tuning fuse一條, 原汁原味! 器材煲了幾日, 感覺非常滿意!

先講畫面，畫面對比度和結像能力進一步提升，顯得很立體! 黑位比前再清楚了一點! 但最大得益還是聲效, cambridge 650BD聲音偏冷, 人聲夠甜, 但係係力量, 和包圍感就唔多夠力, 放演場會BD時就有點點虛, 現在的改造剛好補救不足!  樂器的定位和分離度比之前更好, 不能說可以fight低什麼價位的BD機咁誇張,  但作為宇宙盤, 係播放CD, SACD就非常滿意!

***請留意，如果完全沒電子知識就不要亂改，事前亦請影好機內結構圖，萬一要還原都有法可循。**

謝謝觀看!

Tweet